Bisch ou derby?

Im Burehuus i dr «Chrutmatt» realisiere mir i de ehemalige Stallige ds «Chrutmatt-Beizli». E Ort, für alt u jung. E Ort, wo me sich trifft. Am Stammtisch oder a eim vo de angere Tische, uf dr deckte Terrasse, bi de Sitzglägeheite im Weidli oder im Hopfegärtli.

Am Aafang starte mir no mit weni Öffnigszyte. Je nach däm wi d Nachfraag isch und sich aues entwicklet, tüe mir di Öffnigszyte nadisnah aapasse. Ou ds Aagebot an Getränk u Ässe (kei warmi Chuchi) wird am Aafang überblickbar si und wird der Nachfraag entsprächend usbout.

Da ds Chrutmatt-Beizli e öffentliche Gastgwärbbetrieb mit Bewilligung A isch, müesse mir e Umängi vo Vorschrifte u Uflaage iihalte und umsetze. E grossi Aazahl vo Fachbrichte liegt vor, wo haargenau vorschriebe wie, wo, was. Jedi Uflaag isch immer mit zuesätzliche Choschte verbunge. Zudäm si d Bouchöschte dür verschiedene Gschehnis uf dr Wäut nume no am Stiege. Mir müesse üses ursprünglich vorgsehne Bütschee scho Richtig Schmärzgränze aapasse.

Meinsch Du das Chrutmatt-Beizli e gueti Sach wird? Und möchtisch Du das Projekt i irgendere Form ungerstütze und üs so dr Start erleichtere u e Biitrag ane nöie Träffpunkt in Jegischtorf leischte?

Wird Sponsor vo/für...

Uf dr Websyte gibt e Gönner- u Sponsoreliischte. Wenn Du das wünschisch wird di Name dört erschyne (ohni Betrag). Stühl u Tische wärde uf Wunsch beschriftet. Firme dörfe ihri Logo (mit Diräktlink uf ihri Websyte) bi üüs uf em Web platziere. Wyteri Möglichkeite natürlich nach Absprach.